روايه انشاء الله تعجبكم

قسوه حب

البارت 2

.....................................
منال)))))أستيفضت منال من نومها متجها الى الطابق السفلي لرؤيته جدهاااا ....
وفور نزولها من الدرج رأت جدها أبومحمد يحتسي القهوه أمام شاشه التلفاز ..قربت من جدها وجلست بجانبه
منال : صباح الخير جدى
أبومحمد:هلاأبوي شلون النفسيه اليوم تمام؟
منال بحزن تذكرت اللي صار مع جدها امس: تمام جدى
أبومحمد : منال اليوم الملكه تقريبا العصر ..أنا ماأبيك تزعلين منى ..صدقينى أنا أبي أطمن عليك قبل لاأموت
منال بحزن: جعل يومى قبل يومك ..تكفى جدى لاتقول كذا
أبومحمد أبتسم: طيب ماودك تفطرين جدك
منال : ابشر ياغالي
......
راحت منال لتجهيز الفطور فى المطبخ ..وأستغل أبومحمد أنشغال منال وأتصل على مشعل
أبومحمد:السلام عليكم
مشعل: وعليكم السلام هلا ابو محمد أخبارك
أبومحمد: بخير ..وشصار بالموضوع اللي قلت لك عنه
مشعل: يأبومحمد أنا ماعندى مانع أتزوج بنت ولدك وأتشرف فى هالشى بس ماكنها صغيره علي
أبومحمد: أنت عمرك 27 سنه وهى 18 ...مافيه فرق بعمر
مشعل : طيب اليوم الملكه
أبومحمد: تم
...
العصر ...........................



وصل مشعل لبيت أبومحمد
...
حالته منال حاله ..الى الأن مومصدقه انها راح تتزوج بهالسرعه وهى على وقت أختبارات ..
كانت تتأمل شكلها بمرايا ..وفجأءه سمعت طرق على الباب

منال: تفضل جدى
أبومحمد: الف مبروك
منال: الله يبارك فيك
أبومحمد: يالله زوجك مشعل ينتظرك تحت للازم يشوفك
منال كأنت تخفي ملامح الحزن عن جدها الذي رعها منذو صغرها ..مايكفى انه يعانى من مرض القلب جاء الوقت
اللي يرتاح فيه
أبتسمت منال : أبشر ياغالي
عندما وصلت منال لمجلس الرجال ..احست بعبره حزن وهم فى قلبها كانت تتمنى تخرج لمشعل وتقول له
أطلع من حيااااااااااااااااااااااااتى
ولكن سرعان ماتتمناه ينتهى ..وتستيقظ من احلامها ..لتواجه الواقع المر
دخلت منال على مشعل : السلام عليكم
مشعل أول ماشاف منال أبتسم وبحركه غير محسوبه منه وقف عند دخول منال لم يكن يتوقع انها بهالجمال
خصوصا عندما عرض أبو محمد الزواج عليه ,,توقعها شينه بس طلعت عكس توقعاته
مشعل ..لم يكن بأقل جمال من منال بل كان ووووسيم
مشعل: وعليكم السلام الف مبروك
تقدمت منال وجلست فى اخر مكان من المجلس وعيونها على الارض
مشعل :اممممم منال متى تخلصين اختبارات

منال بستغراب : بعد اسبوع ونصف ليييش؟
مشعل: شلون ليش لان زواجنا بعد الاختبارات مباشره
منال بقلق: لا تكفى مايمدى
مشعل رق قلبه من كلمه تكفى هالحوريه تترجاه:أموووت على تكفى خخخ
منال انحرجت وأنصبغ وجهها أحمر
مشعل حب يغير الموضوع: طيب متى ؟
منال : بعد كم شهر
مشعل أنحرج لان جدها هو طلب منه يعرس بعد الاختبارات بسرعه:طيب يمديك شهرين
منال حست بشويه أرتياح: ايه يمدى مشكور
...
وطلعت من المجلس وصعدت غرفتها .. وصارت منال تبكي بألم ن مصيرها اللي تغير بين يوم وليله....

فى مجلس ..
ابومحمد: مشعل انا متفق معك ان زواجكم بعد الاختبارات مباشره
مشعل: وش اسوي ماقدرت البنت ترجتنى
أبومحمد: مشعل اذا صار لي شي قبل موعد زواجكم لاتخلى منال بروحها
مشعل: ابشر لا يهمك ولا تنسى هالحين هى زوجتى
..
فى الصباح الباكر
راحت منال لمدرسه وتفكيرها كله بمصيرها .. وبحالها وش مخبي عنها القدر
نورهـ اول ماشافت منال أبتسمت لها: الف الف مبروك يادوبا خخخخ
منال بحزن: تكفين أستكى مابي احد بالمدرسه يدري أنى تزوجت
نورهـ بستغراب: ليييش ؟
منال : نوره أنا الى الأن مومستوعبه اللي صار وحاسه كنى بكابوس وخايفه حيييل
نوره وضعت يدها على فمها : ليش مارتحتى له
منال بضحكه مصطنعه: هههههه أصلا ماشفته الابعد الملكه .. وسواء أرتحت أو لا مو مهم
نوره مسكت كتف منال: هونيها وراح تهون
منال : اميييين بس أرجوك مابي طاريه خييير شر على الاقل لين اخلص الأختبارات
نوره: تم
....
فى بيت مشعل.......
أم مشعل : شلون مانى مصدقه ولدى الوحيد أمس ملكه ولا علمنى
مشعل: يمه أفهمينى الموضوع جاء بسرعه
أم مشعل : لا تكلمنى انتى مو ولدى اللي اعرفه
مشعل بحزن: يمه سامحينى وبعدين زواجى هذا شكلي بس
أم مشعل أستغربت : شلون
مشعل : راح افهمك بعدين
أم مشعل بغضب: مشعل للازم تعلمنى
مشعل: يمه لو ماأنا محلف ماعلم احد كان علمتك
أم مشعل : والله مو فاهمه شي
مشعل: يمه وعلشان اريحك بنت خالتى ريم راح أتزوجها ومن هالحين أخطبيها لي
أم مشعل: بس انت متزوج
مشعل: يمه قلت لك زواجى من منال شكلي بس
أم مشعل:الله يعين بس
.....

أنتهت اختبارات
وطلعت نتيجه منال وكأعاتها متفوقه ... كانت فرحه جدها بها لا توصف ...
منال بفرح: واخييييييييييييييييير خلصت الاتبارات ونجحت وطلعت من الثانويه
أبومحمد: الف مبروك
منال بفرح مسكت كتبها وصارت تقطعهم بفرح : الله يبارك فيك خلاص مابي دراسه وهم
أبومحمد: أفااااااا والجامعه
منال : خخخخخ من صدقك جدى اضحك خخخخخخخخ كل شي الا الجامعه ماراح ارتاح لين احصل على أعلى الشهادات
أبومحمد: أشوى طمنتينى
منال قربت من جدها وقبلت رأسه: الله لايحرمنى منك
أبومحمد: ولا منك ... يالله ماعاد فيه وقت زواجك بعد أسبوع
منال أنصدمت من كلام جدها هى متفقه مع مشعل يوم الملكه بعد شهرين وش جد خصوصا ماشافته ولا كلمته من يوم الملكه
منال: بس أنا قلت لمشعل بعد شهرين وهو وافق
أبومحمد تغيرات ملامحه: بس هو كلمنى امس وقال بعد أسبوع
منال بعصبيه: مو على كيفه
أبومحمد: أجل من بكيفه؟
منال نزلت دموعها وحطت رأسها على أرجول جدها: جدى أنا تونى صغيره مابي أتزوج تكفى
أبومحمد رق قلبه لمنال ومسح على شعرها: بس يابنتى خلاص انتى هالحين متزوجه
منال: جدى ليش تبي الفكه منى
أبومحمد: من قال أبي الفكه منك أنا بس أبي أطمن عليك ..تدرين اليوم الصبح بغيت أموت تعبت فجأءه
منال رفعت رأسها لجدها: بسم الله عليك وش صار ليش مارحت لدكتور
أبومحمد: رحت وقال الدكتور للازم اسوى عمليه بصمام القلب والعمليه نسبه نجاحها بسيطه
منال زادت دموعها أكثر مايكفي انها انحرمت من ابوها وامها هالحين جدها بعد
منال: لالالالالالالا تقول كذا
أبومحمد: أبي أطمن عليك منال .. حققي لي اللي اتمناه
منال هزت رأسها بألم : الله تامر عليه راح يصير
...............

اليوم التالي

دخل أبومحمد المستشفى وقرر الاطباء بسرعه أجراء عمليه فى الصمام
كانت منال جالسه بغرفه الانتظار ... كانت تبكى وتدعي لجدها فى قلبها ... وماحست الابصوت ينادي عليها طلعت من غرفه الانتظار
وشافت اخر أنسان ممكن تتوقع تشوفه هناااااا ........مشعل.........
منال بصدمه: مشعل!!!

مشعل: منال تعالي وش فيك
منال قربت من مشعل : شلون عرفت أنى هنا
مشعل : عرفت من جاركم جيت لبيتكم وعلمنى
منال ماأن تقرب من مشعل حتى تحس بخوووووف منه ماتدري ليش....!!!
فجأه طلعوا الاطباء ورحت منال تركض لهم : بشروا عساه قام بسلامه
الدكتور ملامحه حزينه: البقاء لله تصبري
منال ماحست بعمرها الاوهى مغماء عليها ...وشوي شوي فتحت عيونها وشافت انها بغرفه فى المستشفى وتذكرت كلام الطبيب وجلست فجأءه
منال بألم: جدى ووووووينك
كان جنبها مشعل جالس على الكرسي يوم سمع كلام منال قام من مكانه: منال تعوذي من ابليس ..كلنا راح نموت مابقي الا وجهه ربي
منال بحزن: انت وش قاعد تقوووول
مشعل مسك يد منال: منال قومى خلينى أخذك لبيتنا ترتاحين
منال سحبت يدها من مشعل: اي بيت ... انا خلاص بعد جدى مالي مكان فاهم مالي مكان ..
مشعل ماقدر يستحمل وطلع من الغرفه واتصل بأمه وبلغها وطلب منها تجى للمستشفى
>>>>



وصلت أم مشعل وشافت مشعل ينتظرها:مشعل وووين البنت
مشعل : داخل
دخلت أم مشعل أول ماشافت منال انصدمت من جمالها كانت اكثر جمال من ريم وأجمل بنت شافتها ...
أم مشعل بأرتباك: انتى منال
منال بألم: ايه أنا منال
أم مشعل: أنا أم مشعل
منال رجعت لحزنها على جدها: تكفون خلونى بروحى مابي أحد
أم مشعل : وشلون نخليك وانتى ماعندك أحد
منال: الا عندى أبي نوره صديقتى تكفين خلينى أكلمها
أم مشعل سحبت الهاتف المستشفى وأتصلت على نوره بعد ماعلمتها منال برقمها وطلبت من نوره تجى وفعلا وصلت نوره المستشفى
مع أخوها ...
ودخلت على منال وأول ماشافت منال صديقتها نوره حست بالامان وضمت نوره ونزلت دموعها ..
منال: نوره جدى مات وخلانى بروحى
نوره بألم: منال حنا معك لاتخافين
منال: تكفين لاتخلينهم يأخذونى أبي أروح معك
نوره رفعت رأسها وشافت أم مشعل : خالتى ممكن اخذها لمن تهدأ أعصابها
أم مشعل بعصبيه: انا مالي دخل على كيف زوجها
نوره سحبت نفسها وبلغت أخوها علشان يكلم مشعل ....
أخو نوره أسمه أحمد
أحمد :لو سمحت أنت مشعل
مشعل بستغراب: ايه
أحمد : والله مادري وش أقول بس الظاهر اهلك تعبانين نفسيا بسبب جدهم اللي مات واختى تصير صديقه زوجتك فعلشان كذا زوجتك تبي تروح معنا
...
هنا مشعل حس بنيران بصدر وغضب >>>معقوله الغيره هى السبب
مشعل : لا أسمحلي أخوي زوجتى بتروح معي
أحمد أنحرج واستأذن من مشعل وبلغ اخته باللي صار .......
نوره: منال زوجك رفض
منال عصبت : من زوجى ؟؟؟؟ مو على كيفه
كل هالكلام كانت تسمعه أم مشعل وهى معصبه من منال
فجأءه دخل مشعل وبعدت نوره شوي عن طريقه
مشعل بغضب: يالله منال مشينا
منال بغضب أكثر:مانيب رايحه معك .. تفهم
مشعل عصب: منال تعوذي من ابليس وخلينا نروح بدون فضايح وانا مقدر انك تعبانه نفسيا
منال تبكى: روح عنى ... مابي الانوره
جاء مشعل يتكلم قاطعته نوره: اخوي اعذرها نفسيها تعبانه أجوك بس الليله هذي تنام عندى وأطمن ماراح يصير لها شي وبكرا يحلها ربي

ابي ردودكم سؤا سلبيه او اجابيه

ان شالله تكون اعجبتكم القصه /مع تحيات كركر

مشكور عل روايه وشكرن الك